HAYATI
Divan şairi. Bosna’da dünyaya geldiği biline Mezaki’nin doğum tarihi hakkında herhangi bir bilgi yok. 1676’da İstanbul’da vefat etmiş ve Galata Mevlevihanesi’nde toprağa verilmiştir. Asıl adı Derviş Süleyman. Silahtar katibi Eyüp Paşa’nın akrabalarından. İstanbul’a gelerek Enderun’a girdi. Bir süre kimya bilimi ile ilgilendiği, Fazıl Ahmet Paşa ve Mısır valisi Hamza Paşa ile ilişkisi bulunduğu biliniyor. Mezaki, Mevlevi olup dönemin ünlü şairlerinden biridir
ESERLERİ
- Divan (basılmadı)
ESER ÖRNEKLERİ
DİVAN’DAN
GAZELLER
GAZEL I
Saki gül ü mül mevsimi bir hoş deme benzer
Bu alem-i ab ab-ı ruh-ı aleme benzer
Kuyunda gönül hasret-i la’l-i lebindir
Ol Ka’be-nişin teşne-leb-i Zemzeme benzer
Gör cazibe-i mihr-i ruhun bak dil-i safa
Ol mihr-i cihan-taba ve bu şebneme benzer
Mecruh-dile şive-i lutf-ı sitem-amiz
Zehrab ile perverde olan merheme benzer
Sad hayf ki bünyad-kün-i sabr u sükundur
Seylab-ı sirişkim ki huruşan yeme benzer
Bu nale-i cansuz ile bu ah-ı hazinin
Amiziş-i avaze-i zur u bama benzer
Ser-halka-ı irfanda dil-i sad-ı Mezaki
Bir meclis-i şahanede cam-ı Ceme benzer
GAZEL II
Hiç makdem-i dilberden yollarda eser yok mu
Ey bad-ı saba sende bir taze haber yok mu
Yusufla o mehrunun farkı katı zahirdir
Erbab-ı mahabetde bir ehl-i nazar yok mu
Bu bağ-ı mahabbet kim bir taze gülistandır
Zib-i ser-i ümmide bir gonçe-i ter yok mu
Bu nale-i şeb-girin asarı görülmez mi
Bu şam-ı giribana bir vakt-i seher yok mu
Bu suziş ile andan zahir mi olur derdim
Pinhan yine sinemde sad-dağ-ı ciğer yok mu
Ey hızr-ı huceste-pey kim gümnam-ı reh-i aşkız
Bu vadi-i hayretde bir rahgüzar yok mu
Alemde Mezaki-veş bir sahib-i irfanız
Erbab-ı dile ma’il bir ehl-i hüner yok mu
GAZEL III
Sunar bin cam-ı memlü tehi peymaneden sonra
Döner vefk-i murad üzre felek amma neden sonra
Bu meclisde gulu-yı şahne-i gamdan kim ağlardı
Eğer handan olaydık girye-i mestaneden sonra
Tuyup zevk-ı harabatı ele cam-ı şerab alsa
Ayak basmazdı zahid mescide mey-haneden sonra
Geda şeklinde şah-ı mülk-i tecrid olmak isterden
Nemed-puş-ı ferağ ol hil’at-ı şahaneden sonra
Nice memnun olur genç-i güherle ehl-i dil andan
Bu denlü renc-i bazu kaviş-i viraneden sonra
Anı bi-reng idüp yazmış beni bir turfe suretde
Yazanlar peykerim Mecnun gibi divaneden sonra
Felek har-mühre-i güftar-ı a’daya kulak tutmaz
Mezaki gevher-i nazmın gibi dür-daneden sonra
KAYNAKÇA: Mermer, Ahmet.(hzl.) (1991). Mezâkî: Hayatı, Edebî Kişiliği ve Divanı’nın Tenkidli Metni. Ankara: AKM Yay.
