HAYATI
Eyüb Kelîm Çelebi/Eyyübî Kelîm, Patburunzade Eyüb Çelebi. Doğum yeri ve tarihi hakkında bir bilgi yoktur. Ölüm tarihi ise Beliğ’de 1686/87 olarak gösterilmiştir. Asıl adı Eyüp’tür Potburun-zade lakabı ile tanınmıştır. Tahsil hayatı hakkında kaynaklarda pek fazla bilgi mevcut değildir.
ESERLERİ
- Divan
ESER ÖRNEKLERİ
DİVAN’DAN
MERSİYE
Ey sipihr-i kîne-ver noldun Bahâyı neyledün
Ol muhît-i ma‘rifet kân-ı sehâyı neyledün
Zîb-i iklîm-i fazîlet noldı hâlidür yeri
Kaldı evreng-i ma‘ârif pâdişâyı neyledün
Hânmân-sûz-ı derûn ol şöyle ey deyr-i harâb
Ol suver nakş-ı gül-i bâg-ı edâyı neyledün
Dûd-ı hasret perde-sâz oldı çerâg-ı dîdeye
Lem‘a-i nûr-ı dü-çeşm-i rûşenâyı neyledün
Sâye-endâz olmadan kaldı ser-i ehl-i dile
Kanda pervâz itdi ol reşk-i hümâyı neyledün
Hâtemün tayy eyleyen nâmın keremde kandadur
Ol yegâne lehce-i dürr-i bahâyı neyledün
Tâ-be-key zulmet esîr-i firkat olsun bu kazâ
Şeb-çerâg-ı dîde-i ehl-i recâyı neyledün
Kandadur ol âftâb-ı maşrık-ı ilm ü edeb
Kanda pertev-sâz-ı feyz oldı o mâhz-ı nûr aceb
GAZELLER
GAZEL I
Bağa sensiz varamam ravza-i rıdvan olsa
Bakamam her gülü bir mihr-i dırahşan olsa
Neyleyim gülşen-i dehrin gülünü sünbülünü
Bana ol arızı turrası piçan olsa
Olurum nağme-tıranzadesi manend-i hezar
Kanda kim bir gül-i nev-hiz nümayan olsa
Rüzgar eyler anın tahtı vücudın berbad
Kişi evreng-i sa’datede Süleyman olsa
Sözde manend-i Kelim olsa olunca adem
Zade-i tab-ı pesendide-i yaran olsa
Hüsn-i ta’birime reşk etmemeğe çare mi var
Guş eden gevher-i güftarımı Selman olsa
GAZEL II
Bahar eyyamıdır gitsün alem fasl-ı meserredir
Gel ey saki mey-i gülrengi sur hengam-ı işretdir
Değildir dağ-ı gam anda açılmış cabeca güller
Feza-i sine-i aşık gülistan-ı mahabettir
Derun-i sine-i külhan-nijadım tekye-i gamdır
Fetil-i kametim vakf-ı çerağ-ı dağ-ı hasretdir
Değildir tab’-ı yaran gibi nakıs nükte-sencide
Kelim üstad değil bir şa’ir nazük-tabi’atdır
GAZEL III
Dilimdir gevher-i umman-ı ateş
Vücudumdur muhassal kan-ı ateş
Çıkar nüh-felk-i çarha etse dilde
Temevvüc kulzüm-i cüşan-ı ateş
Yetişdir zevrak-ı sahbahay saki
Ki çıkdı sineden tufan-ı ateş
Mahabbet ma’den-i yakuta girsen
Yine eyler seni suzan-ı ateş
Feza-yı sinemi kılmış Kelima
Müzeyyen lale-i Nu’man-ı ateş
KAYNAKÇA: Coşkun, Ali Osman (hzl.)(1985). Seyrekzâde Mehmet Âsım. Zeyl-i Zübdetül-Eş’âr. Yüksek Lisans Tezi. Ankara: Gazi Üniversitesi. 509